Mergulladores e mergulladoras da Confraría de Pescadores de Vilanova de Arousa e do Club Subacuático Pérez-Sub, varios deles pertencentes á Asociación Galega de Pescadores Submarinos Responsables, participaron nunha xornada de limpeza submarina en augas de Vilanova de Arousa, no marco das actuacións de voluntariado e conservación do medio mariño promovidas por Afundación no seo do programa PLANCTON.

Máis de 40 persoas voluntarias pertencentes á comunidade educativa da Universidad Intercontinental de la Empresa (UIE), participaron na praia muradá de Ventín nun gran operativo de limpeza de lixos mariños organizado por Afundación no marco do seu proxecto medioambiental PLANCTON. Ao cabo da xornada, e tras a conclusión das tarefas de identificación e clasificación dos residuos, a balanza reflectiu un total de 359 quilos de lixo mariño, 309 deles plásticos.

Un ano máis, e xa van cinco, os bucios da Confraría de Pescadores de San Xulián da Illa de Arousa e os submarinistas do Club Subacuático Pérez-Sub, convocados por Afundación no marco do programa PLANCTON, uniron as súas forzas para levar a cabo unha gran limpeza de lixos mariños nos fondos dun dos lugares máis privilexiados da Ría de Arousa, a contorna dos guidoiros. Ata este ano, todas as actuacións de limpeza de residuos realizadas no lugar baixo o paraugas de PLANCTON foron levadas a cabo no illote Areoso, cinco submariñas e unha en terra firme, porén, este ano, e como gran novidade, actuouse nos fondos do guidoiro Pedregoso, lugar no que os mergulladores de ambos colectivos teñen constancia da existencia de aparellos de pesca amoreados e extraviados que é preciso retirar para favorecer deste xeito a conservación da rica biodiversidade existente neste espazo.

Un nutrido grupo de persoas voluntarias formado fundamentalmente por estudantes e profesorado do Instituto Galego de Formación en Acuicultura e mariscadoras e pescadores da Confraría de San Xulián da Illa de Arousa, participaron nunha gran limpeza de lixos mariños organizada pola Obra Social de ABANCA en diferentes arenais da illa, onde procederon fundamentalmente á retirada de residuos de tipo voluminoso, como poden der os pneumáticos, e as grandes marañas de redes vellas, cabos, etc., depositados polas mareas e os temporais nos areais de Semuíña e Abilleira.

PLANCTON regresa a Vigo para levar a cabo unha nova xornada de limpeza de lixos mariños. Neste caso, o lugar elixido son os fondos da praia de Samil, un lugar no que as correntes dominantes da ría acostuman a depositar moitos residuos, fundamentalmente obxectos plásticos e de vidro.

17 barcos, 32 mergulladores e 62 persoas, voluntarios todos eles convocados por por Afundación, a Obra Social de ABANCA, participaron nun gran operativo de limpeza de lixo mariño nos fondos marisqueiros que rodean ao illote Guidoiro Areoso e no seu areal. Conseguiron retirar máis de 1300 quilos de residuos, fundamentalmente útiles extraviados durante os labores pesqueiros, como restos de redes, cordas, cabos e nasas. Os mergulladores da Confraría de pescadores da Illa de Arousa e do Club Subacuático Pérez-Sub foron os encargados de retirar o lixo no mar. Unha xornada que contou tamén coa colaboración da Federación Galega de Actividades Subacuáticas, o Servizo Marítimo da Garda Civil, Protección Civil de Vilanova de Arousa, e o Concello dá Illa de Arousa.

Como en anos precedentes, os fondos do illote Guidoiro Areoso foron obxecto unha vez máis, dunha nova acción de retirada de residuos. Mergulladores da Confraría de Pescadores da Illa de Arousa e do Club Subacuático Pérez-Sub foron os encargados rastrexar os fondos na procura dos residuos. Ademais, a actividade contou coa colaboración da Federación Galega de Actividades Subacuáticas, do Servizo Marítimo da Guarda Civil, Protección Civil de Vilanova de Arousa e do Concello de A Illa de Arousa.

Nesta nova actividade de limpeza de residuos nos fondos marisqueiros participaron mariscadoras e pescadores da Confraría da Illa de Arousa, e voluntarios de ABANCA e Afundación.

Organizamos dentro del proyecto PLANCTON 2022 una doble jornada de limpieza de fondos marisqueros en O Grove y Cambados con las mariscadoras de Confraría de San Martiño do Grove