Accións formativas, informativas e materiais expositivos para previr a xeración de lixos mariños

ACTIVIDADES

Accións formativas, informativas e materiais expositivos para previr a xeración de lixos mariños

PLANCTON 2026. Retirada de lixo mariño e flora exótica invasora nas praias de Aldán con motivo do Día da Terra

O mércores 22 de abril, coincidindo coa celebración do Día da Terra, a Plataforma Augas Limpas Aldán-O Hío e Afundación a través do seu programa PLANCTON, promoven unha acción conxunta en defensa da ría de Aldán-O Hío na que participarán máis de 300 persoas, entre o alumnado e profesores dos centros escolares destas dúas parroquias e a veciñanza. O obxectivo desta xornada reivindicativa e de celebración é o de sensibilizar á cidadanía sobre os problemas ambientais relacionados co mar, fundamentalmente a contaminación relacionada cos lixos mariños.

DATAS: 22/04/2026

HORARIO: 10:00 a 13:30 h

Xornada de balance e presentación de resultados PLANCTON 2025

O 29 de xaneiro de 2026, ás 10:00 horas, celebrouse un almorzo informativo no Centro ABANCA Obra Social de Santiago de Compostela para presentar á prensa os datos de avaliación e peche da quinta edición de PLANCTON.

DATAS: 29/01/2026

Afundación e o Concello de Sanxenxo convidan a «Gozar da praia sen deixar pegada»

O paseo de Baltar, en Portonovo (Sanxenxo), acolleu a presentación da campaña «Goza da praia sen deixar pegada», unha iniciativa educativa impulsada por Afundación mediante a cal, a Obra Social de ABANCA busca dar a coñecer ás persoas usuarias das praias, a través dunha exposición con tótems informativos, consellos e boas prácticas para aplicar nos areais durante a tempada estival, co fin de respectar os seus ecosistemas e as especies que os habitan, evitando alteracións que poidan afectar ao seu equilibrio.

DATAS: 22/07/2025

A Confraría de Pescadores de Muros e Afundación convidan a “Gozar da praia sen deixar pegada”

Afundación e a Agrupación de marisqueo a Pé da Confraría de Muros presentaron a campaña "Goza da praia sen deixar rastro" no paseo marítimo da Praia do Castelo, en Muros. A iniciativa ten como obxectivo mostrar aos usuarios da praia diferentes aspectos relacionados coa actividade marisqueira nas praias, boas prácticas para o seu desfrute e diversos consellos para axudar a respectar estes ecosistemas e as especies que os habitan, co fin de evitar alteracións que poidan afectar tanto ao seu equilibrio como ao medio de vida destas traballadoras do mar.

DATAS: 18/07/2025

Goza da praia sen deixar pegada

Galicia conta con case 1000 praias que son un tesouro natural, pero o seu equilibrio é fráxil. Os residuos, a masificación e os xestos pouco responsables ameazan a súa beleza e biodiversidade. Cada pequeno xesto conta. Se todos actuamos con responsabilidade, podemos seguir gozando das praias limpas, seguras e vivas. Pon en práctica os seguintes consellos para Gozar pa praia sen deixar pegada!

Afundación e o Concello de Baiona convidan a «Gozar da praia sen deixar pegada»

Afundación presentou en Baiona unha nova edición da campaña «Goza da praia sen deixar pegada», unha exposición itinerante a pé de rúa formada por tótems informativos que busca dar coñecer ás persoas usuarias das praias un conxunto de boas prácticas que axuden a respectar os seus ecosistemas e eviten calquera alteración que poida afectar o seu equilibrio.

DATAS: 17/06/2025

Afundación e o Concello de Baiona presentan a campaña “O mar comeza aquí”

Baixo o título “O mar comeza aquí”, presentouse na vila de Baiona en colaboración co Concello, a nova campaña de concienciación ambiental promovida por Afundación no marco de PLANCTON, dentro do programa “Educación para a Sostibilidade”. Unha iniciativa, a través da cal a Obra Social de ABANCA pretende evitar que as colillas dos cigarros cheguen ao mar, poñendo en marcha diversas actividades educativas e comunicativas centradas en corrixir a mala xestión das mesmas por parte de boa parte do colectivo de persoas fumadoras nas cidades

DATAS: 03/06/2025

Xornada de balance e presentación de resultados PLANCTON 2024

O proxecto PLANCTON, impulsado por Afundación, a Obra Social de ABANCA, en colaboración co sector pesqueiro e marisqueiro, permitiu retirar en catro anos máis de 95 toneladas de residuos de areais e fondos mariños de distintas zonas costeiras de Galicia. Este programa multidisciplinar iniciouse en 2021 co obxectivo principal de promover unha conciencia sostible na sociedade facendo visible o impacto negativo do lixo mariño nos ecosistemas.

DATAS: 29/01/2025

Afundación impulsa unha campaña en Muros para compatibilizar os usos turísticos das praias co marisqueo

«Goza da praia sen deixar pegada» é o título da campaña informativa impulsada pola Obra Social de ABANCA no seo de PLANCTON cuxo obxectivo é o de sensibilizar os turistas que visiten as praias do concello de Muros durante a época estival sobre a necesidade de compatibilizar o seu uso recreativo coas actividades socioeconómicas que habitualmente se levan a cabo nelas, fundamentalmente o marisqueo a pé.

DATAS: 28/06/2024 a 09/09/2024

PLANCTON no Festival Mar de Mares

Entre os días 8 e 16 de xuño, celebrouse na cidade de A Coruña a XI edición do Festival Mar de Mares, un lugar de encontro de científicas e científicos, persoas expertas no ámbito de oceanografía, artistas, activistas, emprendedoras e emprendedores e cociñeiras e cociñeiros dos produtos do mar, cheas de entusiasmo e compromiso por e co mar. Neste marco, e dentro unha chea de actividades nas que non faltaron as exposicións, os concertos, mercado, gastronomía, ciencia e activismo, celebrouse tamén o II Foro Azul Mar de Mares, unha xornada para descubrir todas as opcións de futuro da economía mariña, un encontro inspirador que contou coa participación de Afundación, a Obra Social de ABANCA, a través do seu programa PLANCTON.

DATAS: Do 08/06/2024 ao 16/06/2024