Un nutrido grupo de persoas integrado por estudantes e docentes do Colexio Hogar Afundación participará nunha xornada de voluntariado ambiental na contorna do Monte Boi, en Baiona, centrada na retirada de flora exótica invasora, especialmente de Carpobrotus sp., coñecida como unlla de gato ou herba do coitelo. A actuación ten como obxectivo contribuír á mellora e conservación deste espazo mediante a retirada desta especie que despraza a vexetación autóctona e altera o equilibrio dos ecosistemas costeiros. A través do traballo directo sobre o terreo, o alumnado poderá coñecer de primeira man a problemática asociada á expansión destas especies e a importancia da súa prevención e control.

Máis de 100 estudantes e membros do profesorado da Universidad Intercontinental de la Empresa (UIE) participaron nunha xornada de voluntariado ambiental nas ribeiras do río Sar, dentro do parque Eugenio Granell de Santiago de Compostela. Conseguiron retirar más de 3000 quilos de Tradescantia fluminensis, unha especie exótica invasora que forma densos tapices de vexetación desprazando a flora autóctona e dificultando a rexeneración natural destes ecosistemas fluviais. A actividade, contou coa colaboración do Concello de Santiago de Compostela, quen asumiu a xestión da planta retirada.

215 persoas voluntarias, entre estudantes e profesorado da Universidad Intercontinental de la Empresa, participaron dunha intensa mañá de voluntariado ambiental dedicada á retirada de Carporbrotus edulis na que conseguiron eliminar máis de catro toneladas e media desta especie botánica invasora.