Nesta ocasión, serán os submarinistas da Confraría de Pescadores de Vigo-Mariña Deportiva de Bouzas, do Liceo Marítimo de Bouzas, e da Asociación de Mariñeiros Artesanais e Deportivos San Miguel de Bouzas, os encargados de retirar dos fondos todo canto refugallo localicen nas sucesivas inmersións que realicen ao logo da mañá nos fondos do Porto da Asociación de Mariñeiros San Miguel de Bouzas e do Porto Deportivo da Confraría de Pescadores de Bouzas, ambos na enseada de Alcabre, para elo contarán con numeroso persoal de apoio tanto a bordo das embarcacións participantes, como nos embarcadoiros da propia instalación portuaria.

Representantes da Confraría de Pescadores de Portonovo e do Club Náutico desta localidade, da Federación Galega de Actividades Subacuáticas, de Portos de Galicia, Protección Civil, do Concello de Sanxenxo e de Afundación, uníronse para levar a cabo unha nova xornada de voluntariado ambiental dedicada á retirada de lixo mariño nos fondos do porto de Portonovo no marco de PLANCTON.

O Porto de Sanxenxo convertirase o vindeiro sábado, 3 de febreiro, nun novo escenario de limpeza de lixo mariño, onde un nutrido grupo de persoas integrado por representantes da Confraría de Pescadores de Sanxenxo, de Nauta Sanxenxo, do RC Naútico de Sanxenxo, de Actúa Voluntariado e ABANCA, procederán á limpeza dos seus fondos nunha completa xornada de voluntariado colaborativo. A actividade contará coa colaboración de varias entidades, entre elas, Protección Civil de Sanxenxo, a Fereración Galega de Actividades Subacuáticas, o Concello de Sanxenxo e Portos de Galicia.

PLANCTON 2023. Os fondos e pantaláns do Porto Deportivo da Confraría de Pescadores de Bouzas, do Porto AM San Miguel de Bouzas, e zonas limítrofes na ría de Vigo, convertiranse nun novo escenario de retirada de residuos no marco do programa PLANCTON.