Persoas voluntarias convocadas por Afundación, participarán nunha nova xornada de voluntariado ambiental no marco do Plan de Conservación Territorial PLANCTON na illa de Sálvora, dentro do Parque Nacional Marítimo-Terrestre das Illas Atlánticas de Galicia. A actividade constará de dúas actividades ben diferenciadas, por unha banda, parte dos asistentes procederán á retirada de lixo mariño en varios dos areais da illa, pola outra, o resto dos participantes dedicarán os seus esforzos á eliminación de diferentes especies de flora exótica invasora, dúas actuacións destinadas a contribuír á conservación e protección deste espazo natural.
