A praia de Lago, no concello de Xove, acollerá unha nova xornada de voluntariado ambiental organizada pola Obra Social de ABANCA, ao abeiro do programa PLANCTON, centrada na retirada de lixos mariños. A actividade contará coa colaboración do Concello de Xove quen se fará cargo dos residuos retirados do areal.

As praias da illa de Cortegada, dentro do Parque Nacional Marítimo-Terrestre das Illas Atlánticas de Galicia, acolleron unha nova xornada de limpeza de lixo mariño na que tomaron parte máis de 80 persoas voluntarias. A actividade foi convocada por Afundación a través do seu programa de voluntariado Actúa, no marco de PLANCTON, o plan de conservación territorial que xa conseguiu retirar 158 toneladas de residuos do mar e da costa en diferentes enclaves da xeografía galega.

Preto de 140 quilos de residuos, entre os que destacan por volume máis de 1000 bolsas e envoltorios e máis de 2300 anacos plásticos, é o total que reflectiu a balanza tras a pesada final coa que concluíu esta nova xornada de voluntariado ambiental convocada pola Obra Social de ABANCA na praia de Cesantes (Redondela).

A praia da Doniños, no Concello de Ferrol, foi o escenario dunha nova xornada de limpeza de lixo mariño convocada por Afundación, a Obra Social de ABANCA no marco do seu proxecto PLANCTON. Como é habitual nestas xornadas, localizáronse residuos relacionados coa actividade profesional vinculada ao mar e outra serie de obxectos relacionados coas actividades de lecer e recreo desenvoltas no propio espazo natural ou procedentes da vida cotiá na rúa e nos fogares. 255 quilos en total.

Máis de 43000 fragmentos de plásticos de orixe indeterminada ou máis de 9000 cordas, cabos e cabiños, son algúns dos residuos retirados polas máis de 60 persoas voluntarias que participaron hoxe na xornada de limpeza de lixo mariño, convocadas a través de Actúa, o programa de voluntariado da Obra Social de ABANCA, e polo colectivo Arena Limpia. Nesta ocasión, a actividade organizouse en resposta ao chamamento público realizado polo influencer galego Hugo Pérez, quen solicitou publicamente axuda para levar a cabo unha limpeza colectiva na praia de Area de Bon, en Bueu. O areal, un espazo protexido de alto valor ecolóxico integrado na Rede Natura 2000 dentro da ZEC Cabo Udra, viuse moi afectado polo impacto dos sucesivos temporais que azoutaron a comunidade ao longo do inverno.

As praias do Espazo Natural de Baldaio-Razo, no concello de Carballo, acolleron a máis de 20 persoas voluntarias para levar a cabo unha nova acción de limpeza de lixo mariño impulsada por Afundación no marco de PLANCTON, o Plan de Conservación Territorial que este ano 2026 cumpre a súa sexta edición.