Estudantes e profesorado do Colegio Hogar de Afundación, participarán dunha xornada de voluntariado ambiental dedicada á retirada de diversas especies de flora exótica invasora na contorna das praias de Fechiño e Fontaíña, en Coruxo.

Preto de 50 persoas convocadas por Afundación no marco de PLANCTON participaron dun gran operativo ambiental a prol dos ecosistemas mariños e terrestres da Illa de Sálvora, dentro do Parque Nacional Marítimo-Terrestre das Illas Atlánticas de Galicia. En total, e ao rematar a xornada, retiráronse da illa máis de 100 quilos de lixos mariños e 326 quilos de flora exótica invasora grazas ao labor das persoas voluntarias que dedicaron esta mañá de sábado a intentar mellorar a saúde dos ecosistemas da illa de Sálvora. Divididos en varios grupos, unha parte do colectivo dedicou os seus esforzos á retirada de lixos mariños nos areais de Almacén, Zafra e Area dos Bois. Outro grupo de persoas voluntarias traballou na retirada de especies exóticas invasoras, entre elas a coñecida como herba de San Xoán (Helichrysum foetidum). Esta especie botánica invasora da familia das compostas, orixinaria do sur do continente africano, ten unha gran capacidade de dispersión, o que facilitou o seu espallamento por moitas zonas do litoral galego nestes últimos anos, competindo coa vexetación autóctona e modificando o equilibrio natural dos ecosistemas nos que se instala. Ademais, retiráronse da contorna da aldea de Sálvora pés de Amaryllis belladonna e de Crassula ovata, tamén de orixe sudafricana. Entre os residuos retirados das praias, destacan os xa habituais tarugos plásticos empregados nas cordas das bateas para evitar a caída dos mexillóns das mesmas, e outros obxectos relacionados coa actividade pesqueira como restos de cabos, boias, redes, cordas e sedelas. Así mesmo, as persoas participantes na xornada atoparon outra serie de obxectos cuxa orixe é máis difícil de definir, posiblemente procedentes do continentel ou vencellados ás actividades do turismo e do lecer, como restos de bolsas e envoltorios, tapóns plásticos, botes e botellas, e anacos de plástico de orixe non identificable. Tras esta nova xornada de voluntariado ambiental, son xa case 20 as toneladas de flora exótica invasora retiradas no marco do proxecto PLANCTON de Afundación. Unha liña de actuación que coincide coa desenvolvida polo propio parque no marco do proxecto Life Insular, e que procura recuperar e mellorar os hábitats insulares incluídos na Rede Natura 2000, con especial atención ás dunas costeiras con vexetación herbácea, e aos queirogais secos europeos. O obxectivo é que estes espazos acaden un estado de conservación óptimo, de xeito que poidan manterse de forma natural e sostible, ao mesmo tempo que se reforza a súa resiliencia fronte ás presións ambientais e ao cambio climático. Ademais das especies botánicas invasoras, son xa máis de 137 as toneladas de lixo mariño retiradas polo voluntariado da Obra Social de ABANCA no marco deste Plan de Conservación Territorial-ON de diferentes enclaves repartidos ao longo de toda a costa de Galicia, tanto das praias e cantís como dos seus fondos marisqueiros. Todo elo, na liña cos Obxectivos de Desenvolvemento Sostible vinculados ao proxecto PLANCTON, especialmente os ODS13 Acción polo clima, ODS15 Vida de ecosistemas terrestres e o ODS17 Alianzas para lograr obxectivos.

As praias e montes da illa de Ons convertíronse no escenario elixido por PLANCTON para a celebración dunha nova xornada a prol do medio ambiente focalizada na retirada de lixos mariños e de diferentes especies de flora exótica invasora que coa súa presenza ameazan aos diferentes valores da biodiversidade autóctona destes ecosistemas insulares.

Un nutrido grupo de persoas conformado por estudantes do IES As Bizocas e voluntariado dos Espazos +60 de Afundación uniron as súas forzas durante esta xornada en Area da Cruz para levar a cabo unha doble tarefa a prol do medio ambiente. Por unha banda procederon á eliminación de diferentes especies de plantas exóticas invasoras do espazo dunar que ameazan a biodiversidade autóctona, e pola outra dedicaron os seus esforzos á retirada de todo canto lixo atopen ao longo da praia depositado alí por mor dos últimos temporais do inverno.

Alumnado e profesores do Colexio Hogar Afundación desprazaranse ata o areal de Cesantes para levar a cabo unha nova xornada de voluntariado ambiental no marco de PLANCTON consistente la retirada de diferentes especies de flora exótica invasora e lixo mariño.

24 estudantes e docentes do Colegio Hogar Afundación, participaron nunha intensa xornada de voluntariado ambiental na contorna da praia da Fontaíña en Coruxo, dedicada á retirada de diferentes especies de flora exótica invasora que ameazan a biodiversidade autóctona do lugar, e a recollida lixos mariños depositados no areeiro pola acción das mareas.