Máis dun cento de persoas, convocadas por Afundación, participaron nunha completa xornada de voluntariado ambiental na illa de Ons, no Parque Nacional Marítimo-Terrestre das Illas Atlánticas de Galicia. As actuacións centráronse, por unha banda, na limpeza de lixos mariños das praias, e por outra na retirada de diferentes especies de flora exótica invasora que ameazan á flora autóctona deste lugar protexido.

Máis de 30 voluntarios, convocados por Afundación a través do seu portal de voluntariado Actúa, participaron nunha actividade ambiental na duna de Corrubedo, co obxectivo de contribuír á conservación desta área natural de alto valor ecolóxico. A xornada centrouse na retirada de plántulas e árbores novas de piñeiro (Pinus sp.), unha intervención necesaria dado o avance progresivo do piñeiral cara ao ecosistema dunar. A expansión gradual das coníferas está a invadir zonas propias da duna, alterando o seu equilibrio natural e mesmo comprometendo a súa mobilidade, un proceso clave para o mantemento deste tipo de hábitat.

Estudantes e profesorado do Colegio Hogar de Afundación, participarán dunha xornada de voluntariado ambiental dedicada á retirada de diversas especies de flora exótica invasora na contorna das praias de Fechiño e Fontaíña, en Coruxo.

Preto de 50 persoas convocadas por Afundación no marco de PLANCTON participaron dun gran operativo ambiental a prol dos ecosistemas mariños e terrestres da Illa de Sálvora, dentro do Parque Nacional Marítimo-Terrestre das Illas Atlánticas de Galicia. En total, e ao rematar a xornada, retiráronse da illa máis de 100 quilos de lixos mariños e 326 quilos de flora exótica invasora grazas ao labor das persoas voluntarias que dedicaron esta mañá de sábado a intentar mellorar a saúde dos ecosistemas da illa de Sálvora.

As praias e montes da illa de Ons convertíronse no escenario elixido por PLANCTON para a celebración dunha nova xornada a prol do medio ambiente focalizada na retirada de lixos mariños e de diferentes especies de flora exótica invasora que coa súa presenza ameazan aos diferentes valores da biodiversidade autóctona destes ecosistemas insulares.

Un nutrido grupo de persoas conformado por estudantes do IES As Bizocas e voluntariado dos Espazos +60 de Afundación uniron as súas forzas durante esta xornada en Area da Cruz para levar a cabo unha doble tarefa a prol do medio ambiente. Por unha banda procederon á eliminación de diferentes especies de plantas exóticas invasoras do espazo dunar que ameazan a biodiversidade autóctona, e pola outra dedicaron os seus esforzos á retirada de todo canto lixo atopen ao longo da praia depositado alí por mor dos últimos temporais do inverno.

Alumnado e profesores do Colexio Hogar Afundación desprazaranse ata o areal de Cesantes para levar a cabo unha nova xornada de voluntariado ambiental no marco de PLANCTON consistente la retirada de diferentes especies de flora exótica invasora e lixo mariño.